Нов погон на компанијата „Тритекс“ во индустриската зона - Прилеп 1

Уште една успешна компанија се одлучи проширувањето на своите призводствени капацитети да го лоцира во Индустриската зона – Прилеп 1 и со тоа да го потврди својот растечки потенцијал, соопштуваат од општина Прилеп.

Текстилната компанија „Тритекс“  која е позната по долната облека што е изработена исклучиво од памук, одлучи да гради нов производствен  погон кој ќе се простира на површина од 4.000 квадратни метри и во кој ќе бидат сместени новите производствени линии, а инвестицијата во вредност од еден милион евра ќе овозможи вработување на уште 300 нови лица.

„Тритекс“ како компанија е успешна фамилијарна деловна приказна која трае 20 години. Текстилните производи  на „Тритекс“ се синоним за квалитен македонски бренд што е присутен на пазарите во регионот и во Европа.  

Воедно ваквото проширување на прозводниот процес е потврда за поволната бизнис клима.