Во Битола изложба на академик Васко Ташковски
По повод октомври, месецот на книгата, во битолската гимназија „Јосип Броз Тито“ напладне беше отворена изложба со дваесет врвни дела на академик Васко Ташковски. Поводот вели, беше дамнешен, а посветата кон ова средно училиште треба трајно да ги чува спомените за битолскиот средношколец од раните 40-ти години на минатиот век...
Некогашниот средношколец на ова училиште денес истакнат академик во домашни и меѓународни рамки Васко Ташковски во библиотеката на битолска горна гимназија се претстави со раритетна изложба од 20-сет дела работени во графика и акварел техника. Неговиот денешен ангажман не дозволи да биде на лице место, но во кусото видеообраќање го откри поводот. Потег кој предизвика многу емоции и радост кај сегашната генерација на педагози и ученици од неговата уметничка порака и посвета.
Иако ова е само една капка од неговото вкупно творештво, секогаш било предизвик да се осознава за неговиот творечки опус, велат повозрасните битолски уметници.
Академик Ташковски, освен на уметничко поле познат е и по тоа што во јавниот сервис создал над 300 сценографски проекти, многу анимирани филмови како и сценографии за различни фестивали
Стевче Митевски