Путин свика седница на Советот за безбедност

Серија експлозии во центарот на Киев. Рускиот претседател Владимир Путин тврди дека Украина организирала терористички напад врз Кримскиот мост што ги поврзува Русија и Полуостровот кој беше анектиран во 2014 година. За денеска побара седница на рускиот Совет за безбедност.

Киев не ја презеде одговорноста за експлозијата во која имаше и жртви, а била предизвикана од камион-бомба. За руско-украинскиот конфликт разговарале и американскиот претседател Џо Бајден и германскиот канцелар Олаф Шолц.

Ја осудија руската анексија на четирите украински региони каде руското и рускојазичното мнозинство на референдуми пред две седмици се изјасни за присоединување на Русија што Западот не го признава, како и за наводните нуклеарни закани од Москва.