Серија експлозии во Киев, има цивилни жртви
Украинската престолнина Киев повторно мета на руски ракетни напади. Во централното градско јадро одекнале неколку силни детонации. Има и цивилни жртви. Руски ракети истрелани и врз други градови во Украина. Киев се закани со одмазда. Путин го свика Советот за безбедност...
Серија експлозии во центарот на Киев. Украина ја обвини Русија за одмазднички напад врз мостот Кличко поради експлозијата на Кримскиот Мост. Москва веднаш ја префрли вината врз непријателската страна и за денеска свика седница на Советот за безбедност.
„Несомнено е дека е терористички напад за уништување на цивилна инфраструктура од витално значење. Авторите, извршителите и нарачателите се специјалните служби на Украина“, изјави Владимир Путин, претседател на Русија.
„Водиме експертска истрага за разјаснување на целите на експлозијата. Се разбира дека е од терористичка природа. Ова е терористички чин“, рече Александер Бастрикин, шеф на рускиот истражен одбор.
Киев не презеде одговорност за експлозијата во која имаше и жртви.
„Имаме работа со терористи. Десетици проектили, ирански, борбени дронови. Имаат две цели. Првата се објектите за електрична енергија, а втората е народот“, изјави Володимир Зеленски, претседател на Украина.
За руско-украинскиот конфликт телефонски разговараа и американскиот претседател Џо Бајден и германскиот канцелар Олаф Шолц. Ја осудија руската анексија на четирите украински региони каде што мнозинството граѓани на референдумите пред две седмици се изјаснија за присоединување на Русија.
Маја С. Филдишев