Блинкен го поздрави договорот меѓу Израел и Либан

Американскиот државен секретар Ентони Блинкен го поздрави договорот меѓу Израел и Либан за крај на спорот околу морската граница.

Според него, со тоа се унапредува визијата на претседателот Бајден за регион во кој владеат мирот и просперитетот. Блинкен додаде дека договорот е корисен за безбедноста на двете страни, но и за глобалниот енергетски пазар.

Израел и Либан водеа спор за територија од 860 квадратни километри во Медитеранот во кој постојат подземни извори на природен гас.