Мјанмар: Уште три години затвор за поранешната лидерка Су Чи

Поранешната лидерка на Мјанмар, Аунг Сан Су Чи осудена на уште три години затвор, овој пат за корупција. Оваа е последна во низата пресуди со кои се соочи Су Чи откако беше соборена од власт на 1 февруари 2021 година.

Добитничката на Нобеловата награда за мир досега има вкупно 26 години затворски казни и тоа за корупција, поттикнување, кршење на правилата за Ковид-19, изборна измама и кршење на актот за службена тајна. Таа обвиненијата ги нарече „апсурдни“ и негираше каква било злоупотреба.