Магдалена Филиповска-Грашкоска е нова директорка на Фондот за здравствено осигурување

Владата на денешната седница ја именува Магдалена Филиповска-Грашкоска за нова директорка на Фондот за здравствено осигурување.

„На денешната владина седница, за директорка на Фондот за здравствено осигурување на Република Северна Македонија, на предлог на министерот за здравство е именувана Магдалена Филиповска – Грашкоска“, информираат од владината прес- служба.

Филиповска-Грашкоска претходно беше претседателка на Инспекцискиот совет.