Инвестициите ќе донесат развој за цела Македонија
24.04.2014 17:05
Над 20 компании во последните 4 месеци донесоа одлука да инвестираат во земјава. Иститеќе обезбедат над 3.000 работни места...
Дваесетина компании за четири месеци донесоа финални одлуки за инвестирање во земјава.Освен во Бунарџик, нови фабрики ќе се градат и во Охрид, Кичево, Свети Николе, Тетово и Велес.Министерот за странски инвестиции Веле Самак вели дека инвестициите ќе донесат развој за цела Македонија.
„Тоа покажува дека од наша страна како Влада, ние гледаме да има се порамномерен развој на странските инвестиции и на економијата“, вели Самак.
За Самак, Македонија станува се поатрактивна бизнис дестинација. Според проценките, за четири години странските инвеститори отвориле повеќе од 10 илјади работни места. Се очекува новиAnchor вработувања и од домашните компании кои соработуваат со странските.
„Според нашите проценки, до сега гледаме дека од едно работно место отворено од една странска инвестиција, има две до три индиректни вработувања во сите тие градови каде се овие фирми. Без разлика дали се услужни дејности или се во логистика, секаде имаме дополнителни ефекти“, додава Самак.
Новите странски инвестиции ќе обезбедат над 3.000 работни места. Но, освен странците, најави за нови вработувања стигнуваат и од домашните компании. Најголемата софтверска компанија Сивус вчера објави оглас за вработување на 400 ИТ специјалисти кои ќе ги регрутира во осум градови во земјава.
Соња Јованова- Наумовска