ЕСМ ги разгледува пристигнатите информации за набавка на природен гас

АД ЕСМ ги разгледува пристигнатите информации за набавка на природен гас за ноември, потребен за работа на топланите Исток, Запад и Енергетика, но и за евентуално вклучување во режим на работа на приватната гасна електрана ТЕ-ТО, која произведува електрична, но и топлинска енергија за системот за парно греење.

Преку допис ќе се контактираат трите фирми коишто се пријавиле на тендерот да достават конечни понуди.

Засега, единствената комплетна понуда е на Макпетрол. ЕСМ првично планираше да набави гас за следниве шест месеци, односно за целата грејна сезона.