Северна Кореја лансирала две балистички ракети со краток дострел

Северна Кореја лансирала две балистички ракети со краток дострел од нејзиниот источен брег, соопштија јужнокорејски воени претставници. Лансирањето на проектилот следи само четири дена откако Пјонгјанг и Сеул разменија предупредувачки истрели од западниот брег поради зголемените тензии.

Пјонгјанг претходно изјави дека неодамнешните лансирања ракети се протест против заедничките вежби на САД и Јужна Кореја, за кои вели дека се проба за инвазија.

Сеул и Вашингтон ги негираа тврдењата на Северна Кореја, додавајќи дека вежбите се одбранбени и потребни за да се спротивстават на заканите од Северот.