Илон Маск ја презеде контролата врз „Твитер“, ги отпушти првите луѓе на компанијата

Илон Маск ја презеде контролата врз „Твитер“, а како што пренесуваат американските медиуми, првиот чекор што го направил е ги отпуштил првите луѓе на компанијата.

Маск, кој е најбогатиот човек на светот, го отпуштил главниот извршен директор на „Твитер“, Параг Агравал, шефот на правниот сектор Вијаја Гаде, главниот финансиски директор Нед Сегал и генералниот советник на страницата за микроблогирање Шон Еџет.

Веста за преземањето дојде неколку часа пред судскиот рок за Маск да го запечати својот договор за купување на социјалната мрежа.