Пенов положи свечена заклетва, избрани уште двајца уставни судии
Парламентарното мнозинство во расправата посочи дека тој е човек со искуство и знаење и со значителни успеси во работата како градоначалник на Скопје. Опозицијата со критики-Пенов е истрошен кадар, ги приватизирал дејностите во Скопје и не завршил ниту една капитална инвестиција.
Со 63 гласа „за“ и 30 „против“, Ристо Пенов избран за министер за локална самоуправа. По изборот Пенов положи свечена заклетва. Парламентарното мнозинство во расправата посочи дека тој е човек со искуство и знаење и со значителни успеси во работата како градоначалник на Скопје. Опозицијата со критики-Пенов е истрошен кадар, ги приватизирал дејностите во Скопје и не завршил ниту една капитална инвестиција.
На пленарната седница, мнозинството со 64 гласа „за“ ги избраа Татјана Васиќ Бозаџиева и Фатмир Скендер за нови уставни судии. Павле Трајанов беше против. ВМРО-ДПМНЕ пред гласањето ја напушти салата. Од партијата сметаат дека претседателката на Комисија за избори и именувања и спикерот Џафери го кршат деловникот. За Марија Георгиевска, опозицијата поднесе барање за интерпелација.
Трајанов, кој е дел од парламентарното мнозинство смета дека продолжува партизацијата во Уставниот суд. Побара нов закон за највисоката судска инстанца.
Расправата во комисијата за избори и именувања заглави на предлогот Љубомир Јовески да биде избран за уставен судија. Опозицијата со долги говори и процедурални забелешки го блокира неговиот избор.
Игор Панов