Денеска во ДУИ отчет од министрите, градоначалниците и директорите

Демократска унија за интеграција во седиштето во Мала Речица ќе одржи состанок на новото раководство. Отчет за работата пред лидерот Али Ахмети ќе даваат партиските функционери на централно и локално ниво.

Покрај министрите, за сработеното пред претседателството на Генералниот совет ќе реферираат и други функционери, меѓу кои и градоначалниците.

Таканаречената „Огнена група“ минатиот месец изрази незадоволство од актуелното партиско раководство, и побара реформи, односно реорганизација и одговорност од вицепремиерот Артан Груби. Состанок е закажан во 14 и 30.