МОН по заканите за бомби: Училиштата се и ќе останат безбедна средина

Училиштата се и ќе останат средина во која учениците ќе се чувствуваат безбедно и ќе го развиваат својот потенцијал преку непречена и квалитетна реализација на воспитно – образовниот процес.

МОН го осудува секој обид за попречување и прекин на наставата, одвлекување на вниманието на учениците и наставниците од реализацијата на секојдневните училишни, односно работни обврски и создавање непотребни грижи за нивната сигурност во училниците, се вели во соопштението на министерството.

Апелираме до училишните раководства да го подигнат нивото на безбедност во училишните објекти и да продолжат со организација на воспитно – образовниот процес. Се надеваме дека од страна на соодветните органи ќе бидат пронајдени и санкционирани час поскоро, велат од министерството за образование.