Зеленски: Украина ќе остане гарант за светската безбедност на храната
Снабдувањето со електрична енергија и вода низ градовите во Украина е отежнато откако Русија, вчера, со десетици проектили ги нападна клучните објекти. Украина е решена да остане гарант за светската безбедност на храната и да продолжи да извезува жито, изјави украинскиот претседател во разговор со генералниот секретар на ОН, Гутереш...
Снабдувањето со електрична енергија и вода низ градовите во Украина е отежнато откако Русија, вчера, со десетици проектили ги нападна клучните објекти. 40 насто од главниот град остануваат без вода, а 270.000 домови немаат струја. Во меѓувреме нападите продолжуваат.
„Само утринава терористите употребија 55 ракети, од кои 45 беа соборени. Им благодарам на сите команди на воздухопловните сили на југ, север, исток и запад за овој резултат и на сите единици на одбранбените сили вклучени во заштитата на нашето небо“, изјави украинскиот претседател, Володимир Зеленски.
Украина е решена да остане гарант за светската безбедност на храната и да продолжи да извезува жито, изјави украинскиот претседател во разговор со генералниот секретар на ОН, Гутереш. Претходно рускиот Претседател Путин изјави дека одлуката за извоз на жито е само суспендирана, а Киев мора да гарантира дека нема да има закана за цивилните бродови или за руските бродови за снабдување.