Изложба и промоција на книгата „Пештански рибари“ од Борко Лазески

Вечерва во 19 часот во родната куќа на големиот македонски уметник Борко Лазески ќе биде промовирана книгата „Пештански рибари“, која содржи циклус цртежи инспирирани од животот и работата на рибарите од Пештани.

По повод промоцијата на книгата ќе биде отворена и изложба на која ќе биде претставен избор од негови дела. Делата се работени во 1939 година и се инспирани од пештанските рибари.

Борко Лазески (1917-1993) е македонски академски сликар, еден од првите апстрактни автори во Македонија. Најпознат е по своите фрески изведени во Скопје, Кичево, Велес, Град Мексико итн. Исто така, тој е автор на повеќе мозаици и еден од основоположниците на современата ликовна уметност во Македонија.