Илон Маск – нов генерален директор на „Твитер“

Илон Маск, најбогатиот човек во светот, основач на компаниите „Тесла“ и „Спејс Икс“, а од неодамна сопственик и на „Твитер“, се постави себеси за генерален директор на оваа социјалната мрежа. Претходно го распушти управниот одбор на директори и најави нови реструктурирање на компанијата.

Маск минатата недела ја презеде контролата врз „Твитер“, и веднаш ги отпушти главните менаџери на компанијата, вклучувајќи го извршниот директор Параг Агравал, финансискиот директор Нед Сегал и шефот за правни прашања и политика, Виџеј Гад.

„Вашингтон пост“ повикувајќи се на извори блиски до Маск, објави дека неговиот тим планира да отпушти околу 25 отсто од вработените во првиот круг на реструктурирањето.