Искоренета болеста чума кај малите преживари
Агенцијата за храна и ветеринарство од Светската организација за здравствена заштита на животните има статус на „Земја слободна од чума кај малите преживари“. Ваквиот статус, во трговијата и извозот, носи поголема доверба и сигурност кај странските потрошувачи за брендот и за квалитетот на македонските добиточни производи и нивните преработки...
Агенцијата за ветеринарство, по искоренувањето на болеста и престанокот со вакцинирањето, од Светската организација за здравствена заштита на животните има статус на „Земја слободна од чумата кај малите преживари“.
Со ова се потврдува подготвеноста и ефикасноста на институциите фармерите, ловечките друштва и невладините организации од областа на здравствената заштита на животните.
На овој начин се стекнува и поголем углед и доверба во меѓународната заедница во трговијата со живи животни, производи и нус-производи од животинско потекло.
Болеста мора да се пријави и затоа и покрај добивањето на статусот слободна земја. Агенцијата има обврска за задолжително информирање на светската организација за тековната и за евентуална промена на епидемиолошката состојба со болеста чума кај малите преживари.
Болеста не е опасна за луѓето, но причинува големи економски загуби кај овците и кај козите.
Методија Трајков