Силen земјотрес во Италија, почувствуван и во Хрватска

Силен земјотрес со јачина од 6,1 степен по Рихтер утрово ја погоди Италија. Епицентарот на земјотресот бил во Марке, 64 километри источно од Римини, соопшти Европско-медитеранскиот сеизмолошки центар (EMSC).

Земјотресот бил почувствуван и во Рим, Фиренца, Болоња и северна Италија.

Потресот го почувствувале и жителите на Хрватска. Корисниците на апликацијата ЕМСЦ од Хрватска, известуваат дека добар дел од Истра и централниот Јадран биле погодени.