Маск продаде акции на Тесла во вредност од 3,95 милијарди долари

Главниот извршен директор на „Тесла“, Илон Маск, продаде акции во вредност од уште најмалку 3,95 милијарди долари од фабриката на електрични возила, според американските регулаторни документи, неколку дена откако го заврши купувањето на „Твитер“ за 44 милијарди долари.

Маск, чие богатство падна под 200 милијарди долари откако инвеститорите ги отфрлија акциите на „Тесла“, извади на продажба 19,5 милиони акции помеѓу петокот и вторникот, покажаа документите објавени од Комисијата за хартии од вредност на САД.

Последната продажба на акции му остава на Маск удел од околу 14% во „Тесла“, според пресметката на Ројтерс. Целта на продажбата не беше откриена.