Македонските инженери во фокус на странските инвеститори

Странските инвеститори ги скенираат македонските инженери. Компаниите секојдневно бараат кадар од факултетот за електротехника. Надлежните тврдат дека продуцираат квалитетен и обучен кадар.

„Вчера имавме компанија од Израел, пред еден ден од Австралија. Се интересираа колкав е бројот на инжењери и каков е квалитетот на инжењерите коишто излегуваат од нашиот факултет. Морам да нагласам дека нашите инжењери се комплетно способни да се вклучат во производството на компаниите“, вели деканот на Факултетот за електротехника и информациски технологии (ФЕИТ), проф. д-р Миле Станковски.

Студентите пак се сигурни дека дипломата од овој факултет ќе им донесе сигурно вработување. 

„Сите тие компании, дали доаѓаат од секторот енергетика, роботика или компјутерските технологии и инженерство, го имаат оној кадар на студенти што е спремен и понатака што може директно да се вработи во некоја од тие компании“, вели Симона, студент на ФЕИТ.

Денеска ФЕИТ ги отвори вратите за матурантите.