Битола синоќа со рекордна загаденост на воздухот
Последниве неколку денови битолчани во континуитет ја чувствуваат аерозагаденоста. Пикот евидентиран синоќа кога на одредени реони концентрацијата на штетните ПМ 2,5 честички беа за десет пати повеќе од дозволеното а вредностите на ПМ 10 честичките беа за шест пати повисоки. Интернет страницата на државните мерни станици деновиве е вон функција, па податоците се добиваат од платформата „Земи Здив“...
Сè уште печките не проработиле со полн капацитет а битолчани веќе ја чувствуваат повисоката аерозагаденост посебно во делови каде доминираат индивидуалните станбени објекти.
Веќе неколку дена државниот интернет портал е вон функција па податоците на десетте мерни станици на платформата „Земи Здив“ покажуваат дека пикот на аерозагадувањето бил синоќа во населбите „Јени Мале“ на битолскиот Баир и централното градско подрачје.
Ака сега е вака што не очекува во најстудените зимски денови загрижено се прашуваат граѓаните.
Лекарите од итната медицинска помош со апел до хронично болните бидејќи се регистрираат и првите повици за оваа проблематика.
Загриженоста присутна и кај еколозите. Лиценцата на мерните станици кој аерозагадувањето го прикажуваат во реално време велат до нова година истекува. За финансиска помош велат се обратиле и до општината која неодамна го промовираше петгодишниот план за справување со аерозагаденоста. За жал досега нема никаков одговор велат од платформата „Земи Здив“.
Стевче Митревски