Лансирана нова балистичка ракета

Северна Кореја лансираше балистичка ракета со краток дострел кон источните води. Информацијата ја соопшти јужнокорејската војска, неколку часа откако Пјонгјанг се закани дека ќе почне сериозни воени одговори на зајакнувањето на сојузништвото на САД со Јужна Кореја и Јапонија.

Сеул го засили надзорот врз Северна Кореја, истовремено одржувајќи воена подготвеност и блиска координација со САД. Според медиумите, станува збор за прво лансирање балистички проектил во последните осум дена и најново во низата тестови во последните неколку месеци.