Променливо облачно време, попладне дожд

Денес претпладне по одделни котлини ќе има услови за појава на слаба магла. Во текот на денот променливо облачно време со сончеви периоди, а попладне ќе има повремени врнежи од дожд. Ќе дува умерен ветер од јужен правец, кој на места долж Повардарието и во југозападните делови ќе засилува. Утринската температура ќе се движи во интервал од 4 до 10 степени, а дневната од 11 до 19 степени.

Во Скопје променливо облачно време, попладне и кон крајот денот со повремен дожд и со слаб до умерен јужен ветер. Утринската температура е 8 степени, а дневната до 16 степени.