Откриено трето писмо-бомба

Шпанските безбедносни сили открија трета експлозивна направа скриена во коверт испратен на адреса на Сателитскиот центар на ЕУ, лоциран во воздухопловната база Торехон де Ардоз, во близина на Мадрид.

Со скенирање е утврдено присуство на сомнителен механизам. Вчера беа откриени две писма-бомби: едно во украинската амбасада во Мадрид, кое експлодираше и повреди неколкумина, а другото во компанија за оружје.