Дојава за бомба и во основно училиште во Крива Паланка

Упатена закана за поставена експлозивна направа денеска по електронска адреса доби едно основно училиште во Крива Паланка.

-Веднаш по добиената пријава, од полициски службеници се преземени мерки за безбедно евакуирање на училиштето и во тек се антитерористички проверки и се преземаат мерки за расчистување на случајот, информира МВР.

Утринава лажни дојави за бомби добија и три основни училишта во скопско. По полициските проверки се утврди дека се работи за лажни пријави.