Изминатото деноноќие АД ЕСМ произведе 12.586 MWh електрична енергија

АД ЕСМ на 01.12.2022 година произведе 12.586 MWh електрична енергија, со што целосно ги задоволи потребите на домаќинствата и малите потрошувачи.

Во Термоелектраните произведени се 4.546 MWh, а во хидроелектраните и во Ветерниот парк Богданци произведени се 8.040 MWh.
Во изминатото деноноќие преку ЕСМ Продажба набавени се 3.940 MWh електрична енергија. Тоа е електрична енергија наменета за болници, градинки, училишта, јавни претпријатија, капацитети од прехранбената индустрија и објекти од виталната инфраструктура во државата.

Податоците се преземени од Диспечерски извештај на АД ЕСМ за 01.12.2022 година, соопштуваат од владината прес-служба.