ЗНМ денеска избира нов претседател

Здружението на новинарите на Македонија (ЗНМ) денеска ќе одржи редовно годишно изборно собрание на кое ќе се избираат нов претседател, како и членови на Управниот одбор, надзорниот одбор и на Судот на честа.

Освен актуелниот претседател Младен Чадиковски, за позицијата претседател на ЗНМ кандидатури поднесоа и Марјан Николовски и Фиљана Кока.

За позициите во органите во ЗНМ вкупно има 47 кандидатури, од кои три за претседател на Здружението, 24 за членови во Управниот одбор, девет за членови во Надзорниот одбор и 11 за членови во Советот на честа.

ЗНМ е здружение на професионални новинари и сниматели, а право на глас имаат сите редовни членови. Основано е 1946 година.