Жителите на Кочани, Блатец и Турско Рударе се против изградба на мали хидроцентрали
Најавената изградба на мали хидроцентрали кај брана Гратче, во Кочани, и кај село Блатец, предизвика силен граѓански активизам против овие проекти. Во село Турско Рудари, Општина Пробиштип хидроцентралата е изградена, а жителите правда бараат во меѓународните институции...
Продолжува отпорот против изградба на малите хидроцентрали на истокот. Хидроцентралата кај браната Гратче не се гради заради силниот отпор на жителите и на локалната власт на Кочани. Но, во Турско Рудари, Општина Пробиштип, хидроцентралата веќе е реалност против која жителите бараат помош од меѓународните институции, бидејќи, велат, нашите институции работат во само во интерес на инвеститорите. Хидроцентралата ја секна водата за наводнување на плодните површини
Граѓански отпор против изградба на мини хидроцентрала има и во село Блатец, Општина Виница. Жителите се убедени дека мини хидроцентралата ако се изгради, ќе го наруши водоснабдувањето на околу 1.800 жители и ќе значи еко катастрофа на река Блатешница
Засегнатите жители, велат дека малите хидроцентрали трајно ја уништуваат природата и апелираат до надлежните институции да излезат на терен и концесии да издаваат откако ќе се консултираат со локалното население.
Славица Величковска