Јовевски: Неточни се личните оценки на Грковска за работата на Јавното обвинителство

Републичкиот обвинител, Љубомир Јовески во вербална војна со вицепремиерката за добро владеење, Славица Грковска. Откако таа рече дека е поразително што обвинители немаат интегритет сами да одлучуваат, дека некои се плашат и кога тајно гласаат, но и дека е против изборот на Јовески за уставен судија, бидејќи не го постигнал она што требало како државен обвинител.

Јовески ја обвини Грковска дека изнесува лични и непоткрепени оценки, но и дека не ја почитува поделбата на власта и се меша во работата на обвинителството.

„Нема да прифатиме улога на ученици во која некој ќе ни кажува кој треба и по кој член да одговара, ниту пак да кажува кој, каде и како треба да биде избран“, порача Јовески.