Дојави за бомби во МНР, ГТЦ и неколку училишта

Преку електронска пошта, пристигнала дојава дека во Министерството за надворешни работи има поставено експлозивни направи. Известени се соодветните служби во МВР, по чии насоки зградата е веднаш евакуирана.

Дојави за поставени екплозивни направи пристигнале и до ГТЦ, гимназиите „Јосип Броз- Тито“, „Орце Николов“ и „Никола Карев“. Екипи на МВР веќе се на терен и преземаат активности за проверка на објектите.

Ова е првпат да има дојава за бомба во некое министерство во земјава. Изминатиот период дојави за поставени експлозивни направи пристигаа до училишта, а минатата недела по првпат дојава имаше и во трговски ценар и во Народната банка.