Претседателот на бугарскиот клуб „Иван Михајлов“ ќе одговара за расизам и ксенофобија

Претседателот на клубот „Иван Михајлов“ ќе одговара за расизам и ксенофобија. Лично Љупчо Георгиевски потврди за МТВ дека против него има обвинение.

На 16-ти декември мора да се појави во Обвинителството во Битола. Во спротивно, ќе биде присилно донесен, пишува во поканата, која му била испратена во почетокот на декември.

Бугарскиот клуб „Иван Михаилов“ е формиран пред три години. Само 10 дена по неговото официјално отворање во април годинава, влезната врата беше запалена, а Ламбе Алабаковски кој беше обвинет, со пресуда беше пуштен на слобода.

Пред две недели имаше пукање од огнено оружје и врз бугарскиот клуб во Охрид, „Цар Борис Трети“. Пред тоа, неколку пати беа фрлани камења кон клубот.

Собранието изгласа измени на законот за здруженија и фондации, со кој е забрането формирање клубови со контроверзни историски личности.