Спасовски: Дојавите се дел од хибридна војна, содржината е иста како на оние што се праќаат во регионот

Електронските дојави за бомби се со иста содржина како и тие во регионот, работиме со меѓународните партнери коишто можат многу да помогнат за расчистување на случаите, вели министерот Спасовски.

Комплетно истиот текст кој е кај нас го има и кај нашите соседи.

Тој потенцираше дека целта е да се постигне страв и паника, но важна е присебноста и брзата реакција, а тоа го прави македонската полиција во секој момент.

„Заради тоа што нашиот пат и нашата иднина ја одбираат нашите граѓаните, не може никој од надвор да ни наметнува дали ние ќе бидеме дел од НАТО и дали ќе одиме по европскиот пат, секој еден кој се обидува на еден ваков начин се спротивставуваме, најважна е иднината на оваа држава“, изјави министерот за внатрешни работи Оливер Спасовски.

За дојавите за бомби државата се обрати и до НАТО, изјави шефот на дипломатија Бујар Османи

Министерот Спасовски дополни дека веќе е формиран посебен штаб во МВР, а очекува да се свика и Советот за координација на којшто ќе разговара од аспект на националната безбедност.

Зоран Димовски