Комисијата предлага Трамп да биде изведен пред суд

Доналд Трамп е првиот американски претседател против кого Конгресот препорачува кривично гонење. Истражната комисија на Конгресот, која се занимаваше со упадот во Капитол на 6 јануари 2021 година, препорача кривично гонење на експретседателот Доналд Трамп.

Специјалниот комитет во Претставничкиот дом едногласно се изјасни на Министерството за правда, да му бидат предадени доказите кои би значеле најмалку четири кривични пријави: за спречување на официјална процедура во конгресот, попречување на правдата, заговор за измама на САД, заговор за давање лажна изјава и бунт.