Ослободени пет од седумте киднапирани жители на Доњецк
На истокот на Украина сепаратистите ослободија пет од киднапираните седум жители на Доњецк, учесници во демонстрациите за единство на Украина. На протестите учествувале околу 2 000 лица. Во меѓувреме, Русија ги критикуваше новите санкции од ЕУ против руските официјални лица наведувајќи дека Унијата е под влијание на Вашингтон и дека треба да се засрами. Инаку и Јапонија воведе визни ограничувања за 23 руски државјани, еден ден откако нови санкции воведоа САД и Европската Унија.
На истокот на Украина сепаратистите ослободија пет од киднапираните седум жители на Доњецк, учесници во демонстрациите за единство на Украина. На протестите учествувале околу 2 000 лица. Во меѓувреме, Русија ги критикуваше новите санкции од ЕУ против руските официјални лица наведувајќи дека Унијата е под влијание на Вашингтон и дека треба да се засрами. Инаку и Јапонија воведе визни ограничувања за 23 руски државјани, еден ден откако нови санкции воведоа САД и Европската Унија. Жителите на Славјанск изјавија дека се изморени од судирите со западна Украина и дека се надеваат оти кризата ќе заврши мирно.
„Јас несомнено сум за обединета Украина. Искрено, доста ми е од се што се случува, луѓето се плашат да се движат по улица, воопшто да излегуваат надвор. Повеќето продавници не работат. Би сакал се да се смири, и не би сакал да одам во Русија. Таму нема да е подобро од овде“- изјави жител на Славјанск.