Џафери-Шентоп: Двете земји негуваат силно традиционално пријателство и партнерство

Претседателот на Собранието, Џафери, на средба со претседателот на Големото национално собрание на Туркије, Мустафа Шентоп, нагласи дека двете земји негуваат силно традиционално пријателство и партнерство, а билатералната соработка меѓу двете земји е динамична на сите нивоа.

Претседателот на Големото национално собрание на Туркије, Мустафа Шентоп нагласи, Македонија е братска и пријателска земја и значаен партнер на Република Туркије, а односите меѓу двете земји, се развиваат во мултидимензијални рамки.

Посета на Шентоп на земјава е во рамките одбележувањето на Денот на наставата на турски јазик. Претседателот на турското Собрание нагласи дека е особено значајно турската заедница во земјава да го ужива правото на образование на мајчин јазик.