Црна Гора парализирана од повеќемесечната владина криза, граѓаните на протести

Продолжуваат протестите во Црна Гора. Околу 20 илјади демонстранти се собраа пред Парламентот во Подгорица, барајќи предвремени избори и повлекување на одлуката да му се одземе одлучувачката улога на претседателот во назначувањето на премиерот.

Спорниот закон беше изгласан минатиот понеделник од 41 пратеник во 80-члениот парламент. Црна Гора е парализирана од повеќемесечната владина криза, која го закочи процесот на интеграција на земјата за членство во Европската унија.