Критичната инфраструктура ќе се регулира со закон

Електроенергетскиот систем, транспортот на нафта и гас, снабдувањето со храна, вода и лекови, банкарскиот и финансиски систем се најранливи сегменти на инфраструктурата кои може да претставуваат потенцијални цели на напад. Затоа нивното обезбедување ќе се регулира со закон по кој експертската јавност одржа јавна расправа за негово прецизирање.

Хибридните закани се сериозен безбедносен предизвик, насочен кон слабеење на отпорноста на државата, вели министерката Петровска, а предложеното законско решение има за цел да воспостави стратешки пристап кон критичната инфрастуктура, како врвен национален приоритет.

Министерството за одбрана ќе формира и ново тело со кое во иднина ќе се обединат системот за заштита и спасување и управувањето со кризи.

Анита Димитријевска Велковска