Почнуваат да лазат морниците!

Историја дефинитивно ќе се пишува во женскиот европски клубски ракомет, за првпат ќе се игра фајнл-фор. Четири тима ќе го започнат испишувањето на оваа финална шампионска форма, еден ќе биде запишан како победник.

Во фајнл-фор мрежата сплеткани, бранителот на тронот, Ѓер, финалистот од лани Будуќност, Митјиланд екипа со шампионско искуство во завршна 4-ка, и оној кој сите сакаме, и се надеваме,  дека ќе го отсонува докрај сонот, најнеискусните по клубско име и боја во друштвото Вардар. По имињата и презимињата, респектабилен црвено-црниот звезден тим во светот на ракометот.

”Ние сме прв пат во Лигата на Шампионите и прв пат во фајнл-фор, ама не се предаваме. Ќе се надигруваме и девојките и ние тренерите.“- секогаш полна со борбен и позитивен дух, подготвена за оганот во Будимпешта, тренерот на ЖРК Вардар СЦБТ, Индира Кастратовиќ.

Првата пречка ја имаат нашите девојки во тимот осум пати досега во елитната 4-ка, Будуќност. Јованка Радичевиќ десното крило на вардарки покрај возбуденоста и подготвеноста за продолжување на континуитетот во подигнување на најпосакуваниот клубски пехар (лани со Ѓер), вели-”Не очекува тежок натпревар против Будуќност, тоа ќе биде средба на две екипи со балкански менталитет, со силни карактери. Сигурна сум дека нашето ½ финале ќе биде многу поинтересно од Ѓер-Митјиланд. Се надевам на добар натпревар каде ќе го дадеме својот максимум.“

Во сабота ја отвораат првата страна на новиот евро клупски бележник Ѓер и Митјиланд (15:00), комплетирањето на финалната двојка ја добиваме по одиграното на Вардар и Будуќност(17.30).

Во недела посакуваме сите, Вардарки да ја започнат, или довршат последната страна од историската црвено-црна бајка. Бајка пишувана низ клупските континентални ракометни паркети, бајка со дај боже среќен крај во бајковидната Будимпешта.