Дваесет загинати во пожар во дом за стари лица во Русија

Дваесет лица загинаа во пожар во дом за стари лица во сибирскиот град Кемерово, соопшти руското Министерство за вонредни ситуации. Пожарот избувнал во двокатната зграда во градот на три илјади километри источно од Москва.

Нема извештаи за причината за несреќата. Не е познато колку луѓе живееле во приватниот објект или колку биле во зградата во време кога избувнал пожарот.