САД се загрижени за одлуката на талибанците, жените да не учествуваат во НВО
Американскиот државен секретар, Ентони Блинкен, вели дека забраната на талибанците жените да доставуваат хуманитарна помош во Авганистан ќе ја наруши виталната и спасувачка помош за милиони луѓе...
Вашингтон изрази загриженост поради одлуката на авганистанските талибанци, жените да не учествуваат во невладини организации. Американскиот државен секретар, Ентони Блинкен, вели дека забраната на талибанците жените да доставуваат хуманитарна помош во Авганистан ќе ја наруши виталната и спасувачка помош за милиони луѓе. Според него, оваа одлука може да биде погубна за авганистанскиот народ.
Талибанците им наредија на сите локални и странски невладини организации да им забранат на жени да доаѓаат на работа. Министерот за економија, Абдулрахман Хабиб, вчера објави дека на жените вработени во невладиниот сектор им е забрането да работат бидејќи некои не се придржувале до толкувањето на Талибанците за исламскиот кодекс на облекување.