Владата одвои средства за изградба на патот до село Луковица
Ќе се гради пат за Луковица, единственото село во западна Македонија до кое наместо по асфалт, мора да се оди по земја и камења. Парите за изградба на патот ги одвои владата, откако од Општина Желино под кое припаѓа ова село, неодамна изјавија дека Луковица не им е приоритет...
Патот до село Луковица ќе започне да се гради напролет. Парите се обезбедени од Владата, откако месната заедница повеќе од 30 години, талкаше и молеше по институциите да постави асфалт на делницата долга 5 километри.
Се работи за 15 милиони денари, средства од Буџетот на Владата за 2022-ра година, од потпрограмата 20 за сообраќај и комуникации.
По локалниот пат, од место наречено Крстец до село Луковица, возилата возат по кал, земја и камења, причина поради која голем број од мештаните се иселиле, а дел од нив ги напуштиле сточарските гранки, кои ги основале во селото и солидно егзистирале. Со патот се надеваат дека селото ќе заживее
Луковица е единственото село во западна Македонија, до кое нема асфалтиран пат.
Зоран Димовски