Русија изврши над 40 ракетни напади на Божиќ

Руските сили извршија повеќе од 40 ракетни напади на Божиќ, соопшти украинската војска. Во изминатите 24 часа биле гранатирани десетици градови во регионите Луганск, Доњецк, Харков, Херсон и Запорожје.

Беспилотно летало, дрон за кое руското Министерство за одбрана тврди дека е украински, бил соборен додека се приближувал до воениот аеродром „Енгелс“ во регионот Саратов.

Тројца руски војници загинаа. Вчера, претседателот Путин изјави дека е отворен за преговори и ја обвини Украина и западните сојузници дека одбиваат.

Советникот на украинскиот претседател Зеленски одговори дека Путин треба да се врати во реалноста и да признае дека Москва е таа што не сака да преговара.