ЕП ќе го одземе имунитетот на двајца пратеници вмешани во корупцискиот скандал

Европскиот парламент објави во понеделникот дека ја започнал процедурата за укинување на имунитетот на двајца пратеници, по барање на белгиското правосудство коешто го истражува корупцискиот скандал на Европската унија и Катар.

Најверојатно станува збор за италијански и белгиски пратеник од редовите на социјалдемократите. Одземањето на имунитетот е на барање на белгиското правосудство, потврди претседателката на Европскиот парламент, Роберта Мецола.