Бочварски: Годинава ќе изградиме преку 110 километри автопатишта

Месецов треба да заврши постапката за избор на консултант и надзорен орган, кој ќе ја следи изградбата на автопатиштата. Очекувањето на министерот Бочварски, е градежните активности да започнат напролет. Се надева дека процесот на експропријација ќе тече без поголеми тешкотии.

Бочварски денеска ја посети Општина Желино, од каде и официјално соопшти дека Владата одвоила пари за патот до Луковица, единственото село во западна Македонија до кое нема асфалтирана делница.

Градоначалникот Блерим Сејдиу, изјави дека средствата нема да бидат доволни за целосно асфалтирање на шест километарскиот пат, но се надева дека Владата ќе продолжи да помага, оти општината е во финансиски тешкотии.

Министерот Бочварски посочи дека проектот за обиколница за Тетово и при крај, а Владата е во координација и со Република Косово во врска со реализацијата на проектот пат Тетово – Призрен.

Зоран Димовски