Трет ден Божиќ, литургија во Св. Петка
Православните христијани денеска на третиот ден од Божиќ го празнуваат Свети Стефан. Во црквата Света Петка се одржа утринска литургија со која чиноначалствуваше Архиепископот охридски и македонски г.г.Стефан...
На третиот ден од Божиќ, православните христијани го празнуваат свети Стефан, заштитникот на болните, сиромашните и старите.
Светиот првомаченик Стефан е еден од првите седум ѓакони ракоположени од светите апостоли и првиот маченик за Христа. На утринска литургија во црквата мала Богородица чиноначалствуваше поглаварот на македонската православна црква – охридска архиепископија г.г. Стефан, од каде се испратени пораки за мир и благосостојба.
Народот го празнува свети Стефан, сите песни верувања и обичаи што се изведуваат на овој ден се поврзани со Божиќ. Граѓаните со свеќата в рака, си посакаа здравје и бериќет.
Топли прегратки, убави мисли и зборови. Овие празници длабоко во себе ја носат вредноста на семејната традиција да се биде со саканите, но и да се испратат пораки за взаемна почит, разбирање и солидарност.
Александра Спировска