20 години без Сена

Без него велат ни Формула 1 не е она што беше.Беше еден од најдобрите,според многумина и најдобар, направи милиони низ светот токму заради него да ја засакаат формула1. Скромен со големо срце, голем хуманитарец и верник.

Загина на 34 годишна возраст на трката за големата награда на Сан Марино. 300 километри на час во свиокот Тамбурело, го запреа човекот што живееше со иста толкава брзина, што тежнееше кон непознатото, кон поместување на лимитите.

Освои 3 шампионски титули, победи на 41 трка, уште 39 пати беше на подиумот. Велеше: „Само затоа што верувам во бога не значи дека сум имун , не значи декасум бессмртен.

Според неговата сестра Вивиана, утрото на 1 мај пред трката вообичаено ја зел Библијата во своите раце. Од неа ја црпел својата сила. Последно што го прочитал  е пасосот во кој се вели: „Ќе го примиш најголемиот дар бога, самиот бог“.