Ново поскапување на горивата од полноќ

Малопродажните цени на бензините поскапуваат за 2,5 денари, дизелот и екстра лесното за 2 денари за литар. Регулаторната комисија за енергетика ги соопшти новите цени.

Од полноќ, бензинот од 95 октани ќе се продава за 82,5 денари, а бензинот од 98 октани за 85 денари за литар. Новата цена на дизелот е 83,5 денари, а на екстра лесното масло за домаќинство 83 денари.

Се зголемува и цената на мазутот и ќе изнесува 40,814 денари за килограм.  Во просек, малопродажните цени на нафтените деривати се зголемуваат за 2,9 проценти.