По две години затвор за сите обвинети во случајот „Титаник 2“

Нова пресуда за случајот „Титаник 2“. По две години затвор добија сите обвинети во случајот, соопштија судиите Огнен Ставрев и Осман Шабани за предметот кој се однесува на изборни нерегуларности на изборите во 2013 година. Судот ги ценел сите олеснителни и отежнувачки околности и ги огласи сите осомничени за виновни.

На повтореното судење, ексдиректорот на УБК, Сашо Мијалков е осуден на казна затвор од две години за примање награда за противзаконито влијание. Лидерот на ДПА, Мендух Тачи, исто така доби казна затвор од две години.

Од екс-членовите на ДИК, кои добија преквалификација на дело и сега се гонат за повреда на избирачко право, на Бедредин Ибраими му е изречена казна затвор од две години, исто како и Влатко Сајковски, Сашо Срцев и Анита Стефановска кои добија казна затвор од две години.

Со првата пресуда изречена на 8-ми март 2019-та обвинетите беа осудени на затворски казни, меѓутоа скопска Апелација ја укина пресудата и го врати случајот на повторно судење.

Случајот „Титаник 2“ се однесува на договарање за гласање за приговори во корист на ВМРО-ДПМНЕ за локалите избори во 2013-та година во Струмица.