Истече продолжениот рок за употреба на 250 илјади вакцини Фајзер, ќе се обезбедат нови

Истече продолжениот рок за употреба на 250 илјади вакцини Фајзер, кои беа единствениот избор за оние кои сакаа да се заштитат од ковид. Тие се уништени.

Од здравство велат дека во тек се активности за обезбедување нови количини вакцини против Ковид-19.

Здравствените власти додаваат дека интересот за имунизација е слаб, а затворен е и последниот вакцинален пункт во поликлиниката „Букурешт“.

Од почетокот на пандемијата беа обезбедени вкупно 2 милиони 866 илјади и 700 дози вакцини, а според податоците од Институтот за јавно здравје искористени се околу 876 илјади.

Од вкупната количина, државата од производителите купила нешто повеќе од милион и пол вакцини, а останатите беа донации.